Смаргоншчына багата на культурна-гістарычныя помнікі даўніны і сучаснасці, вызначаецца адметным лёсам у гісторыі Беларусі. Шмат знакамітых людзей, вышаўшы з гэтага краю, уганаравалі даныя мясціны сваёй дзейнасцю. Разам са стваральнай дзейнасцю мясцовыя людзі неаднойчы на сабе адчувалі “крывавы молах” войнаў і разбурэнняў. Такім запомнілася ім гісторыя першай сусветнай вайны 1915-1917 г.г., памяць аб якой амаль невядомая і ў значнай меры страчаная.
